Real Madridi raportohet t’i ketë vendosur një çmim prej 80 milionë euro sulmuesit uellsian Gareth Bale.

Bale raportohet të jetë informuar nga trajneri i ‘Los Blancos’, Zinedine Zidane, se nuk do të jetë pjesë e planeve të tij për stinorin 2019/20, transmeton portali arbresh.info.

Megjithatë, besohet nga të gjithë se 29-vjeçari do të refuzoj largimin nga Madridi këtë verë për shkak se ka edhe tri vite të mbetura në kontratën e tij luksoze.

Bazuar në një raport nga ESPN, gjiganti spanjoll do të dëgjojë ofertat rreth 80 milionë euro për uellsianin, i cili është përfolur shumë për rikthim në Tottenham Hotspur.

I njëjti raport pretendon se skuadra nga Superliga e Kinës, Shanghai Shenhua, është e përgatitur për të paguar pagën e Bales, por sulmuesi nuk është i interesuar për transferim në Kinë.

Bale ka shënuar 102 gola brenda 231 paraqitjeve te ‘Los Blancos’ brenda të gjitha kompeticioneve duke i ndihmuar skuadrës të sigurojë 13 torfe brenda gjashtë sezoneve në kryeqytetin spanjoll./arbresh.info/